* கள்ளி'... கனி. *

** மனதின் கண்களுக்குள்
பூத்திருக்கும் புன்னகையே !
புன்னகைக்கும் பூந்தளிரே!
நின் —
கம்பீரக் கலையெழுதக்

கண் உறையக் காத்திருக்கேன் !

** புத்தொளிரும் மாமணி உன்
பூம்பாதம் தொட்டெடுத்து
திலகமென நிறைந்திருக்க
மதியுறைய விழித்திருக்கேன் !

** சூரிய சொல்லழகோ
சுனை நீரே நின் குணமோ
வண்டாடும் சோலை எல்லாம்
நின் மதி நிறைக்க ;

** தேன் வழியத் தித்திக்கும்
அகத் தழகே... !

அன்பின் அற்புதமே... !
உயிரோடு உயிராகி...
உயிரே உறைந்திருக்கேன். !

** எண்ணமெல்லாம் எடுத்துறைக்க
விடியலின் ஒளி குழைத்து
எனையே இழைத்தெழுதி
வினாக் குறியாய் வீற்றிருக்கேன் !

** யவ்வனத் தமிழிசையே !
என் நேசச் சித்திரமே !

* சிமிழ் இதழ் அரும்ப
செம்முத்தை சிந்திடுவாய் *

என் —
* சித்தம் குளிர்விக்கும்
அமுதம் நிறைத்திடுவாய் **